S i M p A t iC a M e N t E i N s I e M E

- Gesù e Maria, chi razza di carusa!... Sempri avanti 'a tuletta, pircantata!... Chiù brutti su', chiù vannu di parata; ma chista, poi, è vera vummicusa!... Comu ci spèrcia, 'ranni Diu: sciancata, 'na nasca comu chi, lintiniusa!... Chi è ca frighi, pezza di tignusa?... Largu, ca passa a siccia 'nfarinata!... Vardati chi superbia!...Salaratu!... Cu' è ca passa, 'a vara, 'a cannalora, 'a rigina, 'a carrozza d' 'u Sinatu?... Prestu, carusi...ca niscìti fora!... Purtàticci un lannò cusciniatu... E ci 'mpajati 'u sceccu da scalora!...

i tre santi il fercolo

- Minicu, quantu?... - Un parmu e tanticchiedda! - Cantau? - 'Un ha cantatu. - Menu mali! Chi fannu, ora? - Ci trasunu 'i vuredda;... bona allippau! Chi fu, stili o pugnali? - Chi pugnali, 'u schifìu di li cutedda!... - Menzu filu? - No - Triangulu? Ca quali!... -E allura?... - 'U cincu sordi... - 'A lapparedda? - Si... - Ma...trasìu cc' 'u manicu?!... - Funnali è, no?... -T' 'u dissi un parmu avanzateddu... Mutu, ca sta parrannu!... - Eh, vilunazzu!... Ccu' è chissu ca 'u 'nterruga? - 'U dutturi... - Chi rispusi?... - "Cuteddu ccu cuteddu, 'a giustizia, si campu, ju stissu 'a fazzu; nun parru " - Bravu! E' giuvini d'onuri!

I Basiliani per scampare alle persecuzioni furono costretti a nascondersi in luoghi solitari come grotte, foreste e sulle pendici delle colline, che divennero luoghi di alloggio e di preghiera.